nálgun okkar
Við höfum trú á hið góða. Góðar hugmyndir, gott fólk, góð rými. Góð hönnunri hönnun sem getur bætt daglegt líf, stuðlað að betri staðaranda og haft áhrif. Stór og lítil. Lífið getur verið alvarlegt, það er líka stutt.
Nálgun okkar er einföld: hönnun sem virðir fortíð, leikur í núinu og horfir til framtíðar. Sköpun þar sem maðurinn er kjarninn og þar með umhverfið. Leikum til góðs.
Bygging hefur lykiláhrif á mótun sameiginlegrar framtíðar okkar. Það sem er hannað, byggt og aðlagað mun hýsa líf og margs kyns starfsemi, þar verða minningar til. Vel ígrunduð og falleg rými geta veitt gleði og jafnvel bætt líf notenda til hins betra. Það skiptir þó enn meira máli hvernig þessi rými eru byggð og úr hverju því það hefur áhrif á mun meira og fleiri en einungis notendur rýmisins.
Þetta snýst því ekki bara um núið: byggingarnar sem við hönnum í dag hafa áhrif á framtíðina.
Nafnið lúdika er orðaleikur sem byggir á þessari nálgun: gáskafullur (ludic frá latneska orðinu ludus) arkitektúr fyrir alla (fólk tekið frá pólska orðinu lud).
við erum
Lúdika er ung teiknistofa sem sem býr yfir margra ára starfsreynslu frá Íslandi, London og Cairo. Verkefni okkar eru fjölbreytt, stór og smá húsnæði, skólabyggingar, verslunar- og menningarhúsnæði. Við vitum hvað þarf fyrir gott verkefni, hvort sem það er fyrir einn eða marga.
Við erum alltaf til í spjall og þjónustu okkar er sniðin að þörfum hvers einstaklings og verkefnis. Hvert verkefni er unnið af ástríðu.
Þegar litið er til nýrra tækifæra byggjum við á reynslu okkar. Skoðum í kjölinn hvað virkar, hvað ekki og hvað er hægt að gera betur. Hönnun og byggingarframkvæmd þarfnast grunnendurskoðunar: viðhorf samfélagsins til efnisnotkunar þarf að breytast. Stór hluti vinnu okkar er því eignaður rannsóknum og tilrauna starfsemi sem vinnur að því marki.
Stofnendur
Anna Karlsdóttir
BArch, DipArch, MArch ARB FAÍ
Anna stundaði nám í Reykjavík, Glasgow og London, hún er löggiltur mannvirkjahönnuður með réttindi til að kalla sig architect í Bretlandi. Hún býr yfir mikilli reynslu og hefur unnið fjölbreytt og krefjandi verkefni víðsvegar um Ísland, London og Bretland frá upphafi hönnunar til byggingarloka. Hún er einnig stundakennari við arkitektúrdeild Listaháskóla Íslands.
Jan Dobrowolski
BArch, DipArch, MArch ARB RIBA RIAS FAÍ
Jan fæddist í Varsjá, ólst upp í Cairo, lærði í Glasgow og öðlaðist arkitektaréttindi í London þar sem hann hefur búið og unnið í rúman áratug. Hann hefur mikla reynslu frá Bretlandi, Íslandi og Mið-Austurlöndum. Hann hefur hannað og stjórnað flóknum verkefnum frá hönnunarstigi til byggingarloka og hafa verk hans verið birt í arkitektapressu Bretlands. Hann kennir þverfagleg námskeið í arkitektúr og byggingariðnaði.
þjónusta
Hönnun bygginga svo sem nýbyggingar og viðbyggingar, endurbætur á eldra húsnæði, innanhússhönnun.
Stefnumótandi verkefnisnálgun, byggingarleyfisumsóknir, verkefnastjórn.